နေရောင်အောက် ပန်းတွေပွင့်တာ ဘာကြောင့်လဲ
လိပ်ပြာတွေ ၀တ်မှုန်ကူးတာ ဘာကြောင့်လဲ
တစ်ပါးသူမမြင်တာ ကြိုတင်တွေးတောရလိမ့်မယ်။
လူအဖြစ်နေထိုင်ခြင်းမှာ
ကျေးငှက်သာရကာရဲ့
သဘာဝအသံကြည်နူးရုံနဲ့ မလုံလောက်တော့
ကိုယ်ဖန်တီးတဲ့အသံဟာ ကိုယ်လိုတဲ့သံစဉ် ဖြစ်ဖို့နဲ့
ကိုယ့်သံစဉ်နဲ့ ကိုယ့်သမိုင်းကို ကိုယ်တိုင်ကြိုးညှိတတ်ဖို့။
လူအဖြစ်နေထိုင်ခြင်းမှာ
ကာလအနိမ့်အမြင့် ရေချိန်မှတ်နဲ့ ချိန်ခွင်လျှာတို့လားရာ
နဖားကြိုးဆွဲလှည့်သလို
မောင်းထုသံကို လက်ခုပ်တီး ယောင်ယမ်းချိန်မဟုတ်တော့
ကိုယ်ပိုင်အာငွေ့ကလည်း ခန္ဓာကိုယ်ပူနွေးစေတာပါပဲ။
မုတ်သုန်အားမကောင်းဘဲ မိုးထစ်ချုန်းရွာခြင်းကို
သတိပြု သုံးသပ်တတ်ဖို့။
လူအဖြစ်နေထိုင်ခြင်းမှာ
အိမ်နောက်ဖေး ဈေးဆိုင်တည်တာလည်း အာဟာရပါပဲ။
အသက်ရှင်လျှက်ရှိကြောင်း ကိုယ့်နှလုံးခုန်သံ ယဉ်ပါးတတ်ဖို့။
ဆက်လက်ပြီး စေတသိတ်ဥာဏ်ကွန့်မြူးရာ
တစ်ယောက်အိပ်မက် တစ်ယောက်ကိုင်းကူးရင်း
တစ်ယောက်သဘောထား တစ်ယောက်နို့ချိုတိုက်ကျွေးရင်း
တစ်ယောက်ရာဇ၀င် တစ်ယောက်မုဒိတာပွားတတ်ဖို့။
လူအဖြစ်နေထိုင်ခြင်းမှာ
မှန်ရှေ့ရပ် မျက်နှာအကြောလျှော့လေ့ကျင့်ခန်း
သွားတိုက်ဆေးညှစ်နိုင်ရုံခွန်အာ
ရွှေခါးပတ်ချန်ပီယံ မျှော်မှန်းလို့ မဖြစ်ဘူး
ဘီသိုဗင်အားကျလို့ ဗုံတွေထုနှက်ကြရုံနဲ့ မပြီးဘူး။
လူအဖြစ်နေထိုင်ခြင်းမှာ
မော်ဒယ်လ်ရှိုးငေးရင်း သွားရည်ကျရုံနဲ့
စက္ခုအာရုံ ပြည့်စုံပြီလား။
နိုက်ကလပ်ညချမ်းရဲ့ အမှောင်ချဂီတ နားဆင်ရုံနဲ့
သောတအာရုံ ပြည့်စုံပြီလား။
မီနူးရ်ကတ်ပေါ်က ၀က်စတူးတစ်ပွဲ မှာစားရုံနဲ့
ရသာအာရုံ ပြည့်စုံပြီလား။
ချောင်းသာသွားပြီး ပင်လယ်ရနံ့ရှူရှိုက်ရုံနဲ့
ဂန္ဓာအာရုံ ပြည့်စုံပြီလား။
တူနှစ်ကိုယ် နှစ်ကိုယ်ကြား နားလည်မှုမီးနီဖြတ်မောင်းရုံနဲ့
ဖောဌဗ္ဗအာရုံ ပြည့်စုံပြီလား။
လူအဖြစ်နေထိုင်ခြင်းမှာ
ဗန်ဂိုးရဲ့ နေကြာပန်းနားထိုင်ပြီး
ကြက်တူရွေးချောက်လှန့်ပေးနေရုံန
ယောင်္ကျားတို့ တတ်အပ်တဲ့
အဌာရသ ပြည့်လာမှာ မဟုတ်ဘူး။
အမှန်တကယ်
လူအဖြစ်နေထိုင်ခြင်းဟာ
ယုံကြည်ချက်သွေးခုန်နှုန်းနဲ့ ပုံမှန်လည်ပတ်နေတဲ့
နာရီတစ်လုံး ပိုင်ဆိုင်ဖို့ပဲ လိုပါတယ်။
( လူဇော်သစ် )
0 comments:
Post a Comment